sábado, 16 de junio de 2012

Móbil de pompóns

Ao fin está rematado!
O móbil para X. e B. xa está pendurado, meneando, aledando...
E a verdade é que vendo o froito pagou moito a pena, estou moi satisfeita. O deseño tíñao na testa fai tempo pero nunca pensara que ía ficar tan lindo, velaquí unha primeira imaxe para que opinedes vós mesmxs.

Materiais
- Lás para facer os pompóns. A escolla.
- 3 listóns de madeira de 10x15 mm. de escuadro e 1.00 m. de lonxitude.
- Roio de sedela ou tanza de pescar.
- Perforadora de papel.
- 1 envase de iogur.
- 1 agulla de coser.
- Cola blanca de madeira.
- Serra de marquetería.
- 2 m. de corda.
- 1 tesoira.
- 1 cáncamo aberto.

Execución
Primeiro de todo temos que facer os pompóns. Para quen non saiba como se fan aquí póñovos un enlace cun tutorial ben clariño: video pompóns. Tratándose dun móbil para mellizos eu animeime moito e fixen como uns trinta pompóns. Pensade que a medida final da estrutura de madeira é de 75x75 cm! Pero poderedes adaptalo a calqueira dimensión, abofé que si!
O sistema para penduralos que escollín eu é o da sedela. É moi resistente e visualmente é case transparente. O problema plantexóuseme para facer que non escorregara o fío polo pompón, e ocorríuseme o do iogur e a perforadora. Perforei o envase de iogur para ter pequenos circuliños de plástico, tantos como pompóns. Fíxenlles un pequeno furado con axuda da agulla para poder pasar o fío de sedela. Despóis un pequeno nú no fío e xa se poden pendurar os pompóns sen medo a que escorregue o fío. :)
Para facer a estrutura de madeira cortei dous dos listóns da dimensión principal, ou sexa 75 cm. Fíxenlle un rebaixe a un deles no medio e encoleinos en forma de cruz. Con axuda da corda (escollín corda de algodón da de facer macramé) anudei a unión para que ficara máis firme. Sobráronme dous anacos de 25 cm. que encolei a 1/3 dos extremos de un dos listóns principais, tamén en perpendicular. Co terceiro listón tallei dous anacos iguais de 50 cm., e encoleinos a 2/3 dos extremos, tamén en paralelo aos outros. Xa está feita a estrutura. :)
Para colocar os pompóns non seguín unha orde. Fíxeno totalmente a ollo combinando as cores e regulando as alturas sobre a marcha. O que sí fixen foi separar os nús nos listóns cunha distancia mais ou menos regular. Para fixalos aos listóns usei o nú as de guía, un dos meus favoritos a tracción. Encolei cada nú aos listóns para unha fixación máis segura.
E por último, coa corda de algodón fixen catro nús (de novo o as de guía) para suxeitalo ao teito. Un cáncamo para a fixación e xa está. Velaquí unha galería de fotos de mostra.

 Verdade que ficou lindo?

Isto foi todo por hoxe. As docecalceteiras reúnense de novo esta semana que ven, e pode ser a derradeira de antes do verán xa que rematan as escolas e guarderías, e ademáis X. e B. están por chegar en calqueira intre. Que emoción!

Agora xa poden chegar cando queiran, teñen listo o seu móbil de pompóns ;)

Deica a próxima!

p.d. Aviso a deseñadorxs de Inditex ou similares. Esta páxina e todo o seu contido ten licencia C.C. Grazas


8 comentarios:

  1. Què afortunats son X. i B.

    ResponderEliminar
  2. Muy original y precioso, está hecho con mucho amor y eso se nota. Bicos. Susana

    ResponderEliminar
    Respuestas
    1. Gracias Susana, la verdad es que eché todo ahí. Estoy contenta y deseosa de que lo vean... Bicos

      Eliminar
  3. Quedou incrible, Eva. Ata eu me podería pasar un bo anaco mirándoo ao lado dos teus bebés... é como mirar nubes de cores!

    ResponderEliminar
    Respuestas
    1. Grazas Cris. Xa verás ao vivo que aínda está máis incríbel. Terás tempo de miralo, hehe, ou iso espero! ;) Bicazos

      Eliminar
  4. Respuestas
    1. Muchas gracias RodPrjónar! Viniendo de ti (todo un polifacético creativo) es todo un cumplido. Estoy orgullosa, sí. Bicos

      Eliminar